მცხეთის მუნიციპალიტეტის 2023 წლის ბიუჯეტში გაწერილია ზოგადი განათლების ხელშეწყობის პროგრამა, რომლის თანახმად, მუნიციპალიტეტის საჯარო სკოლებში ჩატარდება მცირე სარეაბილიტაციო სამუშაოები;
აღსანიშნავია ისიც, რომ პროგრამის ფარგლებში მოხდება მოსწავლეთა ტრანსპორტით უზრუნველყოფა და გარდა ამისა, „ადგილობრივი ბიუჯეტის საკუთარი სახსრებით განხორციელდება ყოველი სემესტრის ბოლოს საჯარო სკოლების მე-11 და მე-12 კლასის წარჩინებული მოსწავლეების წახალისება 250 ლარის ოდენობის ფულადი ჯილდოთი.
„პროგრამის მიზანია: მუნიციპალიტეტის საჯარო სკოლების ინფრასტრუქტურის გაუმჯობესება, საჯარო სკოლის მოსწავლეების ტრანსპორტით უზრუნველყოფა, მუნიციპალიტეტის ტერიტორიაზე მდებარე საჯარო სკოლების დამამთავრებელი კლასის მოსწავლეებს მიეცეთ შესაძლებლობა, წარმატებული სწავლისათვის უმაღლეს შეფასებასთან ერთად ფულადი ჯილდოც დაიმსახურონ“, - აღნიშნულია დოკუმენტში.
