აღმზრდელებმა ბავშვებს საჭადრაკო ანბანი უნდა გააცნონ - ჩატარდება ტრენინგები
16-02-2023
აჭარის ჭადრაკის ფედერაციასა და ბათუმის საბავშვო ბაღების გაერთიანებას შორის მემორანდუმის ფარგლებში, რომელიც 2022 წლის სექტემბრიდან საბავშვო ბაღებში ჭადრაკის აქტივობების ჩატარებას ითვალისწინებს, მუნიციპალური საბავშვო ბაღების სასკოლო მზაობის ჯგუფების აღმზრდელებს ჩაუტარდათ ტრენინგი.
ოცდათოთხმეტ მუნიციპალურ საბავშვო ბაღში შეტანილია საჭირო რესურსები: საჭადრაკო დაფები, ფიგურები და სახელმძღვანელოები, რომელიც საშუალებას მისცემს აღმზრდელებს, გააცნონ ბავშვებს საჭადრაკო ანბანი.
აჭარის ჭადრაკის ფედერაციის ხელმძღვანელი სალომე მელია მონიტორინგის ფარგლებში საბავშვო ბაღების მეთოდოლოგიური დარგის სპეციალისტთან ნორა ფუტკარაძესთან ერთად პირადად გაეცნო აქტივობების პროცესს და სასკოლო მზაობის აღმზრდელებთან და აღსაზრდელებთან ერთად ჩაერთო ჯგუფურ თამაშობებში.
სკოლების სიახლეები
