„საგნისა და პროფესიული უნარების გამოცდების ჩატარების წესის დამტკიცების შესახებ“ საქართველოს განათლებისა და მეცნიერების მინისტრის ბრძანებაში ცვლილება შევიდა.
სიახლის მიხედვით, იმ აპლიკანტებს, რომლებიც ასწავლიან ან სურთ ასწავლონ არაქართულენოვან სკოლებში/სექტორებში უფლება აქვთ 2022 და 2023 წლებში ორგანიზებული ტესტირება მათემატიკაში, საზოგადოებრივ მეცნიერებებში, საბუნებისმეტყველო მეცნიერებებში, ესთეტიკური აღზრდის საგნებში, სპორტსა და ინფორმაციულ და საკომუნიკაციო ტექნოლოგიებში ჩააბარონ, როგორც ქართულ, ასევე რუსულ, სომხურ ან აზერბაიჯანულ ენაზე.
ამასთან, დოკუმენტში აღნიშნულია ისიც, რომ მასწავლებლის პროფესიული განვითარებისა და კარიერული წინსვლის სქემაში განაწილებულ პრაქტიკოს მასწავლებელს უფლება აქვს საფასურის გადახდის გარეშე გაიაროს რეგისტრაცია საგნის გამოცდაში მონაწილეობის მისაღებად.
პრაქტიკული საქმიანობის დოკუმენტზე ინფორმაცია სკოლებში დაიგზავნა - სარეგისტრაციო ბმული და ვადები
