დეხვირის საჯარო სკოლის მოსწავლეები ცაგერის მხარეთმცოდნეობის მუზეუმს და ,,გუჯას“ მუზეუმს ესტუმრნენ.
სკოლის წარმომადგენლის თქმით, სკოლის აღსაზრდელებმა მხარეთმცოდნეობის მუზეუმი დაათვალიერეს, სადაც ლეჩხუმის ეთნოგრაფიას გაეცნენ, ,,გუჯას“ მუზეუმში კი ლეჩხუმის საამაყო შვილები გაიცნეს, მათი ისტორიები წაიკითხეს და ლეჩხუმური ღვინო - ,,უსახელაური“ დააგემოვნეს.
„მოსწავლეებმა გაიღრმავეს ცოდნა მშობლიური კუთხის ისტორიიის შესახებ. შეექმნათ წარმოდგენა მუზეუმში გამოფენილ მნიშვნელოვან ნიმუშებზე - გეოლოგიურ, პალეონტოლოგიურ, არქეოლოგიურ, ნუმიზმატიკურ, ეთნოგრაფიულ, საეკლესიო ნივთებზე, ასევე ფოტოხელოვნების ნიმუშებისა და ფერწერულ კოლექციებზე. „გუჯას“ მუზეუმში კი გაიცნეს ცნობილი ლეჩხუმელები, რომლებმაც თავი გამოიჩინეს სხვადასხვა სფეროში“,- აღნიშნავს სკოლის წარმომადგენელი.
მისი თქმით, საგანმანათლებლო პროექტმა მიზანს მიაღწია. სკოლაში დაბრუნებულმა მოსწავლეებმა ესეს სახით შთაბეჭდილებები წარადგინეს.
იხილეთ ფოტოები
