თბილისის N108 საჯარო სკოლაში დედამიწის დღე აღნიშნეს. ღონისძიების სახელი იყო - „დედამიწა ჩვენი სახლია“.
 
კერძოდ, სკოლის მოსწავლეები, მშობლები და მასწავლებლები დედამიწის დღის აღნიშვნას სხვადასხვა აქტივობებით შეუერთდნენ:

1. მინი ლექციები; 
2. ფილმები ეკოლოგიასა და გარემოს დაცვაზე; 
3. მუსიკალური კომპოზიციები; 
4. კედლის გაზეთებისა და მაკეტების კონკურსი; 
5. ესსეს შექმნა ეკოლოგიურ თემებზე; 
6. საინფორმაციო ფლაერების ბეჭდვა და დარიგება თემში; 
7. სამოქალაქო კლუბ ,,მაინდერების" სხვადასხვა აქტივობა; 
8. სკოლის ეზო-გარემოს დასუფთავება; 
9. „დარგე ხე, დარგე სიცოცხლე“ -  სკოლის ეზოს გამწვანება.

ამ დღეს მსოფლიოს 176 ქვეყანაში სხვადასხვა ორგანიზაციები  აღნიშნავენ. მილიონობით მოხალისე გარემოს დაცვის მიზნით მონაწილეობს ისეთ აქციებში, როგორიცაა:  ბაღების და სკვერების გამწვანება, დასუფთავება და სხვ. ამ დროს ადამიანები ცდილობენ  ელექტროენერგია დაზოგონ. საქართველო 1990 წლიდან შეუერთდა იმ ქვეყნების რიცხვს, სადაც დედამიწის დღე აღინიშნება. 

იხილეთ ფოტოები