დედოფლისწყაროს N1 საჯარო სკოლაში ლიტერატურულმა ვიქტორინამ ხალისით ჩაიარა
26-04-2018
დედოფლისწყაროს N1 საჯარო სკოლაში დედა ენის დღე აღნიშნეს.
სკოლაში ლიტერატურული ვიქტორინა გაიმართა, რომელშიც მე-5ა კლასის მოსწავლეები მონაწილეობდნენ.
სკოლის წარმომადგენლის თქმით, კითხვა-პასუხის პროცესი საინტერესოდ წარიმართა და მოსწავლეები მასში ხალისით ჩაერთვნენ.
დედა ენის დღე საქართველოში 14 აპრილს აღინიშნება.
1978 წლის 14 აპრილს საქართველოს მოსახლეობამ, ინტელიგენციის წარმომადგენლებთან ერთად, მასობრივი გამოსვლა მოაწყო და წინ აღუდგა საბჭოთა კავშირის გადაწყვეტილებას, საქართველოში ქართული ენის, როგორც სახელმწიფო ენის გაუქმების შესახებ.
დაძაბული ვითარების გამო, ოფიციალური მოსკოვი იძულებული გახდა, დაეთმო და კონსტიტუციაში ცვლილება აღარ შევიდა, ხოლო 14 აპრილი „დედაენის დღედ“ გამოცხადდა.
იხილეთ ფოტოები
სკოლების სიახლეები
