განათლების მინისტრის, გიორგი ამილახვარის ბრძანებით, იცვლება მანდატურების სამსახურებრივი ფორმა.
ახალი დიზაინით, მანდატურების ქურთუკი და პულოვერი იქნება ხაკისფერი, ხოლო შარვალი და ქვედაბოლო - ლურჯი; ლურჯი უნდა იყოს ასევე ქუდი, ხოლო ქამარი - ხაკისფერი.
ბრძანების თანახმად, „კლიმატური პირობების მკვეთრი ცვლილებისას (ან სხვა პატივსადები მიზეზის არსებობისას) საქართველოს განათლებისა და მეცნიერების სამინისტროს მმართველობის სფეროში მოქმედი საჯარო სამართლის იურიდიული პირის – საგანმანათლებლო დაწესებულების მანდატურის სამსახურის უფროსი უფლებამოსილია ინდივიდუალური ადმინისტრაციულ-სამართლებრივი აქტით განსაზღვროს საგანმანათლებლო დაწესებულების მანდატურის მიერ ამ ბრძანების პირველი პუნქტით დამტკიცებული სამსახურებრივი ფორმის ტარების განსხვავებული პირობები“.
დოკუმენტი სრულად იხილეთ ბმულზე.
