განათლებისა და მეცნიერების მინისტრის, გიორგი ამილახვარის ბრძანებით, უკვე დაიწყო სტატუსების მინიჭება იმ პედაგოგებისთვის, რომელთა შესახებაც რესურსცენტრებს ინფორმაცია ჰქონდათ წარდგენილი. 

განსაკუთრებული პედაგოგიური გამოცდილების და მიღწევების მქონე ღვაწლმოსილი მასწავლებლები/სპეცმასწავლებლებისთვის სტსტუსის ამაღლებასთან დაკავშირებით გადაწყვეტილებები უკვე ცნობილია და მასწავლებლის სახლი ეტაპობრივად აგზავნის ინფორმაციას რესურსცენტრებში.

როგორც ხარაგაულის საგანმანათლებლო რესურსცენტრი სოციალურ ქსელში ავრცელებს ინფორმაციას, ბევრ პედაგოგს მიენიჭა უფროსი მასწავლებლის სტატუსიც.

პორტფოლიოს წარდგენა 1-ელ ივნისამდე გადაიდო და გამარტივდა - გიორგი ამილახვარმა მასწავლებლების მოთხოვნებზე გადაწყვეტილება მიიღო

ამ ეტაპზე უცნობია, რამდენ პედაგოგს აუმაღლა მინისტრმა სტატუსი. etaloni.ge - მ აღნიშნული მონაცმების მოსაპოვებლად განათლებისა და მეცნიერების სამინისტროსგან საჯარო ინფორმაცია უკვე გამოითხოვა და მას მიღებისთანავე შემოგთავაზებთ.