საქართველოს განათლებისა და მეცნიერების მინისტრმა გიორგი ამილახვარმა მოადგილის თანამდებობაზე სამართლის დოქტორი, პროფესორი ნოდარ პაპუკაშვილი წარადგინა, რომელიც კურატორობას გაუწევს სამინისტროს უმაღლესი განათლებისა და მეცნიერების მიმართულებებს.
ნოდარ პაპუკაშვილს საჯარო და კერძო სექტორში, მათ შორის განათლების სფეროში, მუშაობის მრავალწლიანი გამოცდილება აქვს. სხვადასხვა დროს ის იკავებდა სსიპ განათლების ხარისხის განვითარების ეროვნული ცენტრთან არსებული სააპელაციო საბჭოს თავმჯდომარისა და ერთ-ერთი კერძო უნივერსიტეტის რექტორის თანამდებობებს. გამოცემული აქვს 14 სამეცნიერო ნაშრომი და 3 მონოგრაფია.
ცნობილია, რომ ნოდარ პაპუკაშვილს აქვს იურიდიული და ეკონომიკური განათლება, მის ბიოგრაფიაში ნახსენებია, რომ იყო ასევე პრივატბანკის იურიდიული დეპარტამენტის უფროსი, ხოლო სოფლის მეურნეობს სამინისტროში იო მთავარი სპეციალისტი, ასევე სამმართველოს უფროსი; არის „ბიზნეს ქეარ კორპორეიშენის“ დამფუძნებელი და დირექტორი.
