სოფელ ქობულეთის საჯარო სკოლის მოსწავლეები დედამიწის დღესთან დაკავშირებით ქობულეთის მუნიციპალიტეტში განხორციელებულ გარემოსდაცვით კამპანიაში - ,,ჩვენ გარემოსთვის“ ჩაერთნენ. 

მოსწავლეებმა სკოლის მიმდებარე სკვერის და მდინარე კინტრიშის, გასული საუკუნის 10–იან წლებში აგებული თაღოვანი ხიდის ტერიტორია დაასუფთავეს.

დედამიწის დღე მსოფლიოში 22 აპრილს აღინიშნება. სხვადასხვა სახის გარემოსდაცვით ღონისძიებაში 190-ზე მეტი ქვეყნის 20 ათასამდე ორგანიზაცია და მილიონობით მოხალისე მონაწილეობს.

წლევანდელი გზავნილი იყო მსოფლიოს მობილიზება პლასტმასის ნარჩენების შესამცირებლად.

იხილეთ ფოტოები