პირველკლასელთა რეგისტრაციის ვადები შეიცვალა და საყოველთაო რეგისტრაცია 8 ივნისს დაიწყება, თუმცა ამ დრომდე უცნობია, როდის დაიწყება საბავშვო ბაღებში აღსაზრდელთა რეგისტრაცია.

თბილისის ბაღების სააგენტოში, etaloni.ge-სთან განმარტეს, რომ უახლოეს მომავალში ყველა დეტალი გაირკვევა, თუმცა როგორც აღმოჩნდა, მშობლების ნაწილი სააღმზრდელო დაწესებულებებში შვილებს უკვე არეგისტრირებს.

სარეგისტრაციო ბმულზე გადასვლა ჩვენც ვცადეთ და რამდენიმე საფეხურის გავლაც შევძელით, რის შემდეგაც კვლავ მივმართეთ თბილისის ბაღების გაერთიანებას დეტალების დასაზუსტებლად;

როგორც განგვიმარტეს, ამ დროისთვის თბილისის საბავშვო ბაღების გარკვეულ ნაწილში ვაკანტური ადგილებია, შესაბამისად, მშობლებს შეუძლიათ მათი გამოყენება და ბავშვების დარეგისტრირებაც.