ბოლნისის მუნიციპალიტეტის სოფელ ტალავერის N2 საჯარო სკოლაში მოსწავლეთა ინტერესებს მორგებული და მათ მოტივაციაზე ორიენტირებული სასწავლო პროცესის წარმართვას დიდი ყურადღება ეთმობა.
ამ მიზნით სკოლაში, საინტერესო ღონისძიება გაიმართა, სახელწოდებით „ქიმიის საღამო“, რომელშიც მოსწავლეები დიდი ინტერესით ჩაერთნენ.
ღონისძიებაზე, საგანგებოდ, თეთრ ხალათებში გამოწყობილმა მოსწავლეებმა საინტერესო ექსპერიმენტები წარადგინეს, ახალი მასალა პარაქტიკულად შეისწავლეს და ბოლოს სიმბოლური სიგელებითაც დასაჩუქრდნენ.
აღსანიშნავია, რომ სკოლაში გააზრებული აქვთ, თუ რამდენად მნიშვნელოვანია მოსწავლეთათვის ახალი სასწავლო მეთოდების და მიდგომების შეთავაზება, მათი გააქტიურებისა და აკადემიური მოსწრების გაუმჯობესებისთვის.