ფოთის მუნიციპალიტეტში მოღვაწე კულტურის, ხელოვნების, განათლების მუშაკების, დამსახურებული საზოგადო მოღვაწეების, სხვადასხვა ღონისძიებებში გამარჯვებული ახალგაზრდების, სკოლის წარჩინებულ მოსწავლეთა და პროფესიული საგანმანათლებლო დაწესებულების/კოლეჯის საუკეთესო კურსდამთავრებული პირების მატერიალური წახალისების წესის დამტკიცების შესახებ დადგენილებაში ცვლილება შევიდა, რომლის მიხედვითაც განისაზღვრა, რომ ადგილობრივი მასწავლებლების ნაწილი მიიღებს ფულად ჯილდოს - 625 ლარს.

დოკუმენტის თანახმად, „განათლების მუშაკებზე მატერიალური წახალისება (ჯილდო) გაიცემა წელიწადში ერთხელ:

ა) საჯარო ან კერძო სკოლის წლის საუკეთესო  მასწავლებლებზე, არაუმეტეს – 625 ლარისა;

ბ) საჯარო ან კერძო სკოლის დამსახურებულ  მასწავლებლებზე, არაუმეტეს – 625 ლარისა“.