2022-2023 სასწავლო წელი დასასრულს უახლოვდება. საზაფხულო არდადეგები 16 ივნისიდან დაიწყება მეორედან მეთერთმეტე კლასის ჩათვლით მოსწავლეებისთვის, 15 ივნისი კი სწავლის ბოლო დღეა

შეგახსენებთ, რომ სასწავლო წელის განმავლობაში განსაზღვრული დასვენებისა თუ არდადეგების დღეები ეროვნული სასწავლო გეგმითაა განსაზღვრული და როგორც წესი უცვლელია. 

სასწავლო პროცესი მე-12 კლასის მოსწავლეებისთვის 20 მაისს, პირველკლასელებისთვის კი - 5 ივნისს დაასრულდა. მიუხედავად იმისა, რომ წელი განსხვავებულ დროს სრულდება I; XII და II-XI კლასის მოსწავლეებისთვის, სასწავლო წლის დასაწყისი ყველასთვის საერთოა. ახალი სასწავლო წლის დაწყების თარიღი, 15 სექტემბერი განათლების მინისტრის ბრძანებითაა განსაზღვრული. 

რაც შეეხება კერძო სკოლებს, ისინი არდადეგებს, სამინისტროსთან შეთანხმებით, თავიანთი აკადემიური კალენდრის მიხედვით განსაზღვრავენ.