„საგნისა და პროფესიული უნარების გამოცდების ჩატარების წესის დამტკიცების შესახებ“ საქართველოს განათლებისა და მეცნიერების მინისტრის ბრძანებაში ცვლილება შევიდა, რომლის მიხედვითაც განისაზღვრა, რომ პედაგოგებს კიდევ ერთი საგნის გამოცდის ჩაბარება შეეძლებათ - ინგლისურ, გერმანულ, რუსულ და ფრანგულ უცხოურ ენებს, 2023 წელს იტალიურიც ემატება.
დოკუმენტის თანახმად, იტალიური ენის ტესტურ დავალებებს შეიმუშავებს მასწავლებლის სახლი და წარუდგენს NAEC-ს, რომელიც იმავდროულად ადგენს საგამოცდო დროსა და მაქსიმალურ ქულას.
მასწავლებლის გამოცდები 6 ივლისიდან დაიწყება - დეტალები
„იტალიური ენის ტესტირებაში მონაწილეობის მიზნით, ცენტრში პირის რეგისტრაცია ხორციელდება ცენტრის დირექტორის ინდივიდუალური ადმინისტრაციულ-სამართლებრივი აქტით დადგენილი წესით;
იტალიური ენის ტესტის შეფასებასთან დაკავშირებით საპრეტენზიო განაცხადები ცენტრს წარედგინება ცენტრის დირექტორის ინდივიდუალური ადმინისტრაციულ-სამართლებრივი აქტით დადგენილი წესით“, - აღნიშნულია ბრძანებაში.ხოლო ტესტირება ჩატარდება ცენტრის დირექტორის ინდივიდუალური ადმინისტრაციულ-სამართლებრივი აქტით დადგენილი ფორმატით.
