პორტფოლიოს პრეზენტაცია ივლისში დაიწყება - ზუსტი რიცხვი პედაგოგებს მინიმუმ 1 დღით ადრე ეცოდინებათ
22-06-2023
წამყვან-მენტორობის მსურველ მასწავლებლებს, რომლებსაც პრაქტიკული საქმიანობის დოკუმენტი 1-ელ ივნისამდე ატვირთეს „ესქულის“ ბაზაში და მასწავლებლის სახლმა პორტფოლიო დაუმოწმა, ნაშრომის დაცვის სავარაუდო თარიღები უკვე მიუვიდათ.
ეს პროცესი ივლისში დაიწყება და აგვისტოშიც გაგრძელდება, თუმცა კონკრეტული რიცხვი თითოეული მასწავლებლისთვის ჯერჯერობით უცნობია.
რა ვადაში უნდა გაასაჩივროთ პორტფოლიო თუ დადებითად არ შეგიფასდებათ - ყველაფერი რაც საპრეტენზიო განაცხადის გასაკეთებლად უნდა იცოდეთ
როდის გაიგებენ წამყვან-მენტორობის მსურველი პედაგოგები ზუსტ თარიღს? - ამ კითხვაზე პასუხი მასწავლებლის პრაქტიკული საქმიანობის შეფასების ინსტრუმენტების დოკუმენტში წერია, სადაც განმარტებულია, რომ მასწავლებლის სახლმა სტატუსის ამაღლების მსურველებს, მინიმუმ 1 სამუშაო დღით ადრე უნდა შეატყობინოს პორტფოლიოს დაცვის ზუსტი თარიღი:
ხელფასი მომავალ სასწავლო წლამდე არ მოემატებათ პედაგოგებს, რომლებიც სტატუსს პორტფოლიოს წარდგენით აიმაღლებენ
„პორტფოლიოს პრეზენტაცია მოხდება ონლაინ ან პირისპირ ფორმატით. პრეზენტაციამდე მინიმუმ 1 სამუშაო დღით ადრე ცენტრი ატყობინებს მასწავლებელს პრეზენტაციის თარიღის შესახებ“, - აღნიშნულია დანართში.
სკოლების სიახლეები
