თერჯოლის N1 საჯარო სკოლაში კვირის წარმატებული მოსწავლეები გამოავლინეს
08-05-2018
თერჯოლის N1 საჯარო სკოლაში სასწავლო და შემოქმედებითი პროცესი აქტიურად მიმდინარეობს.
კერძოდ, სკოლამ კვირის წარმატებული მოსწავლეები კვლავ გამოავლინა. ესენი არიან მე-6 ა კლასის მოსწავლეები: ლიზი კუხიანიძე, მერი გაფრინდაშვილი, მარიამ სახელაშვილი, გიორგი მაისურაძე და გიორგი ფანჩულიძე.
მათი დამრიგებელი ნატო კვეტენაძე გახლავთ.
პარალელურად, სკოლა ბულინგის საწინააღმდეგო დღეს სხვადასხვა აქტივობით შეუერთდა; მოსწავლეებმა თემატური პრეზენტაციები და დადგმები მოამზადეს, ხოლო მასწავლებლებმა ძალადობის გადასაჭრელი გზების შესახებ ისაუბრეს.
და ბოლოს, თერჯოლის N1 საჯარო სკოლის მე-10 კლასის მოსწავლეები თეკლა ცქიფურიშვილი და სალომე წულუკიძე 2018 წლის 12 მაისს მიწვეულნი არიან თბილისში, მოსწავლეთა 72-ე სასწავლო-შემოქმედებით კონფერენციაზე.
მათი მასწავლებელი და თემის ხელმძღვანელი ნატო კვეტენაძე გახლავთ.
დირექციის ცნობით, სკოლა სწავლის წარმატებულ პროცესს განაგრძობს.