სკოლები 2 თვის ვაუჩერს ივლისში მიიღებენ - როდის დაერიცხებათ მასწავლებლებს შვებულების თანხა
10-07-2023
ივლისში მასწავლებლების შვებულება დაიწყება და ისინი შვებულების თანხასაც მიიღებენ. კონკრეტული ვადების გასარკვევად etaloni.ge-ს არაერთი პედაგოგი დაუკავშირდა და საკითხის აქტუალობიდან გამომდინარე, დეტალების გასარკვევად განათლების სამინისტროს მივმართეთ.
როგორც ოფიციალურ უწყებაში განმარტავენ, კონკრეტული ვადები - როდის უნდა გასცეს სკოლამ მასწავლებლების შვებულების თანხა, გაწერილი არ არის, თუმცა ორი თვის ვაუჩერს სკოლები ივლისში უკვე მიიღებენ:
„ორი თვის ვაუჩერებს ზოგადსაგანმანათლებლო დაწესებულებები ივლისში მიიღებენ და შესაბამისად, ამის შემდეგ გაიცემა მასწავლებლების შვებულების თანხა, თუმცა კონკრეტული რიცხვი სამინისტროს მიერ არ რეგულირდება“ - განუცხადეს etaloni.ge-ს განათლების სამინისტროში.
სკოლების სიახლეები
