თახჩის საჯარო სკოლის დირექციამ და პედაგოგებმა ორ მეოთხეკლასლს სასწავლო წლის წარმატებით დასრულება განსაკუთრებულად მიულოცეს
06-07-2023
ახალქალაქის მუნიციპალიტეტის სოფელ თახჩის საჯარო სკოლაში ნაყოფიერი სასწავლო წელი წარმატებით დასრულდა.
სკოლა საბაზო საფეხურისაა და სულ ოთხი მოსწავლე სწავლობს. წელს მე-4 კლასი ორმა მოსწავლემ დაასრულა. მე-5 კლასში გადასვლა მოწაფეებს დირექციამ და პედაგოგებმა განსაკუთრებულად მიულოცეს, ბავშვები სპორტულ ღონისძიებაში ჩართეს შემდეგ კი ბუნებაში სასიამოვნო დრო გაატარეს.
მიუხედავად მოსწავლეთა მცირერიცხოვნობისა პედაგოგები, დირექტორის - გაიანე მიქაელიანის ხელმძღვანელობით, ბავშვებს მრავალფეროვან სასწავლო გარემოს სთავაზობენ და ყველაფერს აკეთებენ, რათა მათ ხარისხიანი და სიღრმისეული განათლება მისცენ.
აღსანიშნავია, რომ წელს სკოლაში პირველკლასელსაც ელოდებიან, რაც სასკოლო საზოგადოებისთვის განსაკუთრებით სასიხარულოა.
სკოლების სიახლეები
