ცურტავის საჯარო სკოლა წელს 14-მა მოსწავლემ დაამთავრა - სკოლის დირექტორი ავთანდილ მამედოვი კურსდამთავრებულებს წარმატებას უსურვებს
06-07-2023
ბოლნისის მუნიციპალიტეტის სოფელ ცურტავის საჯარო სკოლაში საინტერესო 2022-2023 სასწავლო წელი ნაყოფიერად დასრულდა.
პედაგოგებმა, დირექტორის ავთანდილ მამედოვის ხელმძღვანელობით, დიდი შრომა ჩადეს მომავალი თაობის აღზრდა-განათლების საქმეში, აკადემიური წლის განმავლობაში მოსწავლეებს სთავაზობდნენ მათ ინტერესებზე მორგებულ სასწავლო გარემოს, მრავალფეროვან აქტივობებსა თუ ღონისძიებებს და მათ მრავალმხრივ განვითარებაზე ყოველდღიურად ზრუნავდნენ.
წელს სკოლა 14-მა მოსწავლემ დაამთავრა. სკოლის დირექტორი ავთანდილ მამედოვი კურსდამთავრებულთა დიდი გულშემატკივარია და მათ წარმატებულ მომავალს უსურვებს.
მათ კი ვინც ახლა მისაღებს გამოცდებს აბარებენ, უსურვებს, სკოლის სასახელოდ სასურველ სასწავლებელსა და ფაკულტეტზე ჩარიცხვას.
სკოლების სიახლეები
