გამოცდების ეროვნული ცენტრის მიმართვა აბიტურიენტებს - ინგლისური ენის მეორე სესიაზე 3-მა აპლიკანტმა დაიგვიანა
10-07-2023
ამ წუთებში მიმდინარეობს მეორე სესია აბიტურიენტებისათვის ინგლისურ ენაში და როგორც შეფასებისა და გამოცდების ეროვნული ცენტრი აცხადებს ფიქსირდება, როგორც გამოცდაზე არ მისვლის, ისე დაგვიანებით მისვლის ფაქტები. აღსანიშავია, რომ დაგვიანების შემთხვევები გამოცდის პირველ სესიაზეც იყო - ინგლისურის გამოცდის პირველ სესიაზე აბიტურიენტების 5 პროცენტი არ მივიდა
„გამოცდაზე გამოცხადდა 95% -მდე გამოსაცდელი. ამ დროის მონაცემებით მეორე სესიაზე დაიგვიანა სამმა აპლიკანტმა.სამშაბათს, 11 ივლისს, ერთიანი ეროვნული გამოცდები კვლავ ინგლისური ენის გამოცდით გაგრძელდება.
შეფასებისა და გამოცდების ეროვნული ცენტრი გამოსაცდელებს სთხოვს, არ დაიგვიანონ და ბარათზე მითითებულ დროს გამოცხადდნენ საგამოცდო ცენტრში.
შეფასებისა და გამოცდების ეროვნული ცენტრი გისურვებთ წარმატებას“, - აღნიშნულია ცენტრის განცხადებაში.
„ბითლზი“ და ინტერნეტით ინგლისურის სწავლა - ინგლისურის გამოცდიდან გამოსული პირველი აბიტურიენტები
სკოლების სიახლეები
