მესტიის მუნიციპალიტეტის სოფელ ლენჯერის N2 საჯარო სკოლაში 2022-2023 სასწავლო წელი წარმატებით დასრულდა. პედაგოგებმა მოსწავლეებისთვის ხარისხიანი განათლების მისაცემად ძალ-ღონე არ დაიშურეს. სკოლაში განსაკუთრებით ახარებთ მოსწავლეთა სწავლაში მიღწეული წარმატება.
წელს, საბაზო საფეხური წარჩინებით სკოლის ორმა მოსწავლემ - ნინო გიგდელიანმა და საბა მერლანმა დაამთავრა. მოსწავლეები პროგრამის - „ჩემი პირველი კომპიუტერი“ ბენეფიციარები არიან.
სკოლის დირექცია მოსწავლეებს მიღწეულ წარმატებას ულოცავს და წინსვლასა და ახალი მწვერვალების დაპყრობას უსურვებს.
აღსანიშნავია, რომ პროგრამა - „ჩემი პირველი კომპიუტერი“ 2009 წლიდან ხორციელდება. პროგრამით საჯარო სკოლის ის მოსწავლეები სარგებლობენ, რომლებმაც საბაზო საფეხური წარჩინებით დაამთავრეს და მათი საფეხურის ნიშანი 10 ქულაა.