გამოცედების ეროვნულმა ცენტრმა, იტალიური ენის მასწავლებლობის მსურველებისათვის განკუთვნილი საგამოცდო ტესტის ნიმუში გამოაქვეყნა.


შეგახსენებთ, რომ იტალიური ენის მასწავლებლობლის მსურველები საგნობრივ გამოცდას შეფასებისა და გამოცდების ეროვნულ ცენტრში 31 აგვისტოს ჩააბარებენ.

ტესტის მაქსიმალური ქულაა 90. გამოცდის ხანგრძლივობა: მოსმენის, წერითი და კითხვის ნაწილები - 4 სთ; ლაპარაკის ნაწილი კი - 15 წუთი. 

„2023 წლიდან ცვლილება შევიდა „საგნისა და პროფესიული უნარების გამოცდების ჩატარების წესის დამტკიცების შესახებ“ საქართველოს განათლებისა და მეცნიერების მინისტრის ბრძანებაში, რომლის მიხედვითაც იტალიური ენის მასწავლებლებს საგნობრივი გამოცდის ჩაბარების შესაძლებლობა მიეცათ. გამოცდას ადმინისტრირებას უწევს შეფასებისა და გამოცდების ეროვნული ცენტრი, ხოლო ტესტური დავალებები შეიმუშავა იტალიური ენის სწავლების კოორდინატორმა ორგანიზაცია „მინერვამ“ და მემორანდუმის ფარგლებში მასწავლებელთა პროფესიული განვითარების ეროვნულ ცენტრს გადასცა.

გამოცდამდე ორი დღით ადრე ცენტრის ოფიციალური მეილიდან მიიღებთ დეტალურ ინფორმაციას გამოცდის შესახებ. თუ მსგავსი მეილი არ მოგივათ, გთხოვთ მოგვწეროთ ელექტრონულ მისამართზე: tgakhokidze@naec.ge ან დაგვიკავშირდეთ მობილურზე: 599 917 308“, - ნათქვამია ცენტრის ოფიციალურ განცხადებაში.