თეთრიწყლების სკოლაში ,,შემოდგომის ზეიმი’’ გაიმართა.
I, II და III კლასის მოსწავლეებმა, დაწყებითის მასწავლებლებთან ერთად, წარმოადგინეს პატარა სპექტაკლი, რომელშიც გადმოცემული იყო ხევსური პაპა-ბებიების სტუმრობა კახეთში შვილიშვილებთან რთველის დროს.
სპექტაკლი შემოდგომის ლამაზი დეკორაციებით მოსწავლეების მიერ იყო გაფორმებული.
ბავშვებმა მოწვეულ სტუმრებს გააცნეს ღვინის დაწურვისთვის საჭირო ჭურჭელი, აუხსნეს მათი მნიშვნელობები.
ღონისძიების დასასრულს გაიმართა თათარაობა, ამოავლეს ჩურჩხელები და როგორც თავად აღნიშნეს, ზეიმზე შემოდგომის სურნელი დაატრიალეს.