„პოეზია ბუნებაში“ -ვარდისუბნის საჯარო სკოლის ლამაზი საღამო
11-05-2018
ვარდისუბნის საჯარო სკოლის მე-3 კლასის დამრიგებელმა მართა ტაბატაძემ მოსწავლეებთან და მშობლებთან ერთად ლაგოდეხის დაცულ ტერიტორიაზე ღონისძიება „პოეზია ბუნებაში“ ჩაატარა.
დღის განმვლობაში მოსწავლეები დაცული ტერიტორიის ტყე-პარკს და ლაგოდეხის ისტორიულ მუზეუმს სტუმრობდნენ, დასასრულს კი პოეზიის საღამო ბუნებაში გაიმართა.
როგორც ღონისძიების ორგანიზატორმა განაცხადა, მიზანი იყო მოსწავლეების „პოეზიის ძალა“ ეგრძნოთ:
„პოეზია აკეთილშობილებს ადამიანის ბუნებას. ხელს უწყობს სულის განვითარებას, ადამიანის სულის ამაღლებას. ჩვენი მიზანიც სწორედ ეს იყო, მოსწავლეებისათვის ,,პოეზიის ძალა“ გვეგრძნობინებინა.“- განაცხადა მართა ტაბატაძემ.
სკოლის დირექციის ინფორმაციით, საღამო განსაკუთრებულად ლამაზი იყო.