ყვარლის მუნიციპალიტეტის სოფელ ჭიკაანის საჯარო სკოლაში ახალ სასწავლო წელს პირველი ზარი დაირეკა.
ეს დღე განსაკუთრებით ამაღელვებელი და დასამახსოვრებელი პირველკლასელთათვის იყო. ბავშვებს პედაგოგები და დირექცია მომზადებულები შეხვდნენ - მათთვის სკოლის ეზო და საკლასო ოთახები სადღესასწაულოდ მოიკაზმა.
მოსწავლეებმა ერთმანეთს არდადეგებზე მიღებული შთაბეჭდილებები გაუზიარეს, იხალისეს და პედაგოგებთან ფოტოები გადაიღეს.
დირექცია და პედაგოგები დიდი სიყვარულით ულოცავენ მოსწავლეებს ახალი, 2023-2024 სასწავლო წლის დაწყებას.
„გილოცავთ ჩემო პატარებო ცოდნის სამყაროში შემობრძანებას. წარმატებებს გისურვებთ“, - აღნიშნავენ სკოლაში.
იხილეთ ფოტოები: