სწავლა 2 საჯარო სკოლაში შეწყდა - სტიქიამ სასმელი წყლის სისტემა ლანჩხუთში დააზიანა
22-09-2023
სასმელი წყლის სისტემის დაზიანების გამო, ლანჩხუთის მუნიციპალიტეტის ნინოშვილისა და ჯურუყვეთის N1 საჯარო სკოლებში სასწავლო პროცესი 2 ოქტომბრამდე შეჩერებულია - ინფორმაცია სკოლის Faceebok-გვერდზე გამოქვეყნდა.
დეტალების დასაზუსტებლად etaloni.ge ლანჩხუთის მუნიციპალიტეტის საგანმანათლებლო რესურსცენტრის ხელმძღვანელს - ნინო ჩიტაძეს დაუკავშირდა, რომელმაც დაგვიდასტურა, რომ აღნიშნულ საჯარო სკოლებში საგაკვეთილო პროცესი შეჩერებულია.
„სტიქიამ დააზიანა სასმელი წყლის სისტემა... აქედან გამომდინარე, სწავლა ნინოშვილისა და ჯურუყვეთის N1 სკოლებში შეჩერებულია... გეგმაში გვაქვს, რომ 2 ოქტომბრისთვის საკითხი მოგვარდება“, - განაცხადა ნინო ჩიტაძემ.
სკოლების სიახლეები
