საქართველოში, სასწავლო წლის განმავლობაში, არაერთი ოფიციალური დასვენების დღეა. ამ დროს საჯარო დაწესებულებები არ მუშაობენ და რა თქმა უნდა, ეს საჯარო სკოლებსა და ბაღებზეც ვრცელდება. 

უქმე დღე ოქტომბერშიცაა - ესაა 14 ოქტომბერი, როდესაც ქვეყნაში მცხეთობა (სვეტიცხოვლობა, კვართის დღესასწაული) აღინიშნება. თუმცა, წელს ეს თარიღი შაბათ დღეს ემთხვევა, ამიტომაც, სასწავლო კვირაში დამატებითი დასვენების დღე არ იქნება. 

ზოგადად კი, 2023-2024 სასწავლო წლის განმავლობაში, სულ 9 ოფიციალური დასვენების დღე იქნება, ესენია:

• 23 ნოემბერი - გიორგობა (ხუთშაბათი);
• 1 იანვარი - ახალი წელი (ორშაბათი);
• 2 იანვარი - ახალი წელი (სამშაბათი);
• 19 იანვარი - ნათლისღება (პარასკევი);
• 8 მარტი - ქალთა დღე (პარასკევი); 
• 9 აპრილი - 1989 წელს მშვიდობიანი მიტინგის დარბევა, 1991 წელს უზენაესი საბჭოს საგანგებო სხდომამ საქართველოს დამოუკიდებლობის აღდგენის აქტი მიიღო (სამშაბათი);
• 3 მაისი - წითელი პარასკევი;
• 6 მაისი - აღდგომის შემდგომი ორშაბათი და გიორგობა;
• 9 მაისი - ფაშიზმზე გამარჯვების დღე (ხუთშაბათი).

მართალია, ოფიციალური დასვენების დღეები მხოლოდ ამით არ შემოიფარგლება, თუმცა დანარჩენები შაბათ-კვირას ემთხვევა.