დედაქალაქის მერის, კახა კალაძის განცხადებით, თბილისის მუნიციპალურ ინსპექციას გოგი ჩიქოვანი უხელმძღვანელებს. ამის შესახებ მან თბილისის მუნიციპალიტეტის მთავრობის სხდომაზე ისაუბრა, რაც ავტომატურად ნიშნავს, რომ თბილისის ბაგა-ბაღების მართვის სააგენტოს ხელმძღვანელი აღარ ჰყავს.
„ბაღებმა შესაძლოა შაბათ-კვირასაც იმუშაოს... აღმზრდელის ხელფასი 990 ლარს შეადგენს“... - სააგენტოს ხელმძღვანელი ცვლილებებზე საუბრობს
ინფორმაცია იმის შესახებ, რომ ჩიქოვანი სააგენტოს აღარ უხელმძღვანელებს, etaloni.ge-ს აღნიშნულ სტრუქტურაში დაუდასტურეს, თუმცა ამ ეტაპზე უცნობია ახალი დირექტორის ვინაობა. სანამ ახალი კადრი დაინიშნება, თანამდებობას ჩიქოვანის რომელიმე მოადგილე დაიკავებს; ცნობილია რომ მას ორ მოადგილე ჰყავდა - ირაკლი თურმანიძე და დათა ფანჩულაია, შესაბამისად, რომელიმე მათგანი შეასრულებს ბაგა-ბაღების მართვის სააგენტოს დირექტორის მოვალეობას.
