„ეტალონის გუნდურ“ ჩემპიონატს ამჯერად ბათუმის N25 საჯარო სკოლა მასპინძლობს. გამარჯვებულის ტიტულისთვის კი  ერთმანეთს 29 გუნდის 145 მოსწავლე ეჯიბრება. 

ღონისძიებას ტრადიციულად ესწრებიან ადგილობრივი ხელისუფლების, რესურსცენტრისა და სასკოლო საზოგადოების წარმომადგენლები. ჩემპიონატის დასაწყისში მოსწავლეები გაამხნევეს ბათუმის საგანათლებლო რესურსცენტრის დირექტორმა გოჩა დავითაძე და ბათუმის მერიის სპორტისა და ახლაგაზრდობის განყოფილების უფროსმა ია შალამბერიძემ. შეჯიბრს კი „ეტალონის“ ავტორი და უცვლელი წამყვანი გოჩა ტყეშელაშვილი უძღვება. 

 

დამსწრეები ამჯერად „ეტალონის“ განახლებული ფორმატის მონაწილეებს გულშემატკივრობენ და ელიან გამარჯვებული სამეულის გამოვლენას.

ღონისძიების მსვლელობისას სპეციალური დიპლომებით დაჯილდოვდებიან izrune.ge-ში ჩართული გამორჩეულად წარმატებული მოსწავლეებიც. 

ღონისძიება მოსწავლეებისა და დამსწრე საზოგადოების აქტიური ჩართულობის ფონზე მიმდინარეობს. მონაწილე გუნდები ერთმანეთს საზრიანობასა და ერუდიციაში ეჯიბრებიან - კითხვები მოიცავს როგორც სასკოლო პროგრამას, აგრეთვე ე.წ. სააზროვნო ტიპის საკითხებს. გამარჯვებული გუნდი კი 20 კითხვის შედეგად, ყველაზე მაღალი ქულის მოპოვების პრინციპით გამოვლინდება.