თბილისის N96 საჯარო სკოლის მოსწავლეები თავისუფალი ხატვის დღეს შეუერთდნენ
31-10-2023
თბილისის N96 საჯარო სკოლაში, მოსწავლეთა წახალისებას, მათი შემოქმედებითი შესაძლებლობების აღმოჩენასა და კრეატიული უნარების განვითარებას დიდი ყურადღება ეთმობა.
სწორედ ამ მიზნით, დაწყებითი კლასების მოსწავლეები, თავისუფალი ხატვის დღეს შეუერთდნენ და საკუთარი ფერადი ფანტაზიები ფურცელზე გადაიტანეს.
აღსანიშნავია, რომ თავისუფალი ხატვის დღე, „თბილისის საჯარო ხელოვნების ფონდის“ ორგანიზებით გაიმართა.
მოსწავლეებმა, შთამბეჭდავი ფერთა გამით, თავისუფალი მონასმით, სამყაროს ინდივიდუალური აღქმით, მრავალფეროვანი ნამუშევრები შექმნეს და მნახველთა დიდი მოწონებაც დაიმსახურეს.
იხილეთ ფოტოები:
სკოლების სიახლეები
