მარნეულის მუნიციპალიტეტის სოფელ ახლოლალოს საჯარო სკოლაში მოსწავლეთა მრავალმხრივ განვითარებასა და მოტივაციის ამაღლებას მნიშვნელოვანი ყურადღება ექცევა. სწორედ ამიტომ, სკოლაში, საინტერესო ღონისძიებები და აქტივობები იმართება, რომლებშიც ბავშვები დიდი მონდომებით ერთვებიან.
ამჯერად, სკოლაში საშემოდგომო ზეიმი ჩატარდა, სადაც ბავშვები საინტერესო და მრავალფეროვანი ნომრებით წარდგნენ. ღონისძიებაზე მათ თავიანთი შექმნილი თემატური მაკეტები, სხვადასხვა ხელნაკეთი ნივთი წარადგინეს და შემოქმედებითი უნარები წარმოაჩინეს.
მათი აქტიური მონაწილეობით ასევე ეზოში „შემოდგომის კუთხე“ მოეწყო, სადაც სეზონური ხილი იყო განლაგებული.
აქტივობებში ბავშვები დიდი მონდომებითა და ინტერესით მონაწილეობდნენ.
აღსანიშნავია, რომ მსგავსი აქტივობები მოსწავლეთა შემოქმედებითი უნარების განვითარებას ხელს უწყობს.
იხილეთ ფოტო-ვიდეომასალა:
