დიდი სმადის საჯარო სკოლის პირველკლასელებმა ანბანი „გააცილეს“
18-05-2018
დიდი სმადის საჯარო სკოლის მოსწავლეებმა საანბანო პერიოდის დასრულება ღონისძიებით - „ანბანის გაცილება“ აღნიშნეს.
სკოლის აღსაზრდელებმა ქართული ანბანის მნიშვნელობაზე ისაუბრეს, ლექსები წარმოთქვეს და იაკობ გოგებაშვილის ღვაწლი აღნიშნეს. მოსწავლეებმა ასევე ანბანს სიმღერები მიუძღვნეს.
1-ელ კლასს პედაგოგი მარი ტყემალაძე ხელმძღვანელობს.
ღონისძიების ბოლოს, სკოლის დირექციამ პირველკლასელებს საანბანო პერიოდის წარმატებით დასრულება მიულოცა.