ქვემო სარალის საჯარო სკოლის მოსწავლე-მასწავლებლებმა ევროკავშირის კანდიდატის სტატუსის მონიჭება აღნიშნეს
19-12-2023
მარნეულის მუნიციპალიტეტის სოფელ ქვემო სარალის საჯარო სკოლაში საქართველოსთვის ევროკავშირის კანდიდატის სტატუსის მონიჭება იზეიმეს.
სკოლაში ქვეყნის ევროპული მომავლისკენ გადადგმული ეს მნიშვნელოვანი ნაბიჯი ახარებთ, მოსწავლე-მასწავლებლებმა ისტორიული მოვლენა ერთმანეთსა და მთელ საქართველოს მიულოცეს.
„ქვემო სარალის საჯარო სკოლის მასწავლებელთა და მოსწავლეთა გუნდი გილოცავთ ევროკავშირის კანდიდატის სტატუსის მონიჭებას. როგორც დიდმა ილიამ ბრძანა: „ჩვენს ქვეყანას ევროპული გამოცდილება, მეცნიერება და განათლება სჭირდება“,- აღნიშნავენ სკოლაში.
აღსანიშნავია, რომ 14 დეკემბერს ბრიუსელში, ევროპული საბჭოს სხდომაზე, ევროკავშირის წევრი სახელმწიფოების ლიდერებმა მხარი დაუჭირეს საქართველოსთვის ევროკავშირის წევრობის კანდიდატის სტატუსის მინიჭებას.
იხილეთ ფოტოები:
სკოლების სიახლეები
