პრეზიდენტის ბრძანებით, საჯარო მოსამსახურეთა შრომის ანაზღაურების წესში ცვლილება შევიდა, რომელიც საგანმანათლებლო რესურსცენტრების ხელმძღვანელებს ეხებათ.
დოკუმენტით განისაზღვრა მათი სახელფასო ფორმულა:
„საქართველოს განათლების, მეცნიერებისა და ახალგაზრდობის სამინისტროს ტერიტორიული ორგანოს − საგანმანათლებლო რესურსცენტრის უფროსისა და მისი მოადგილის თანამდებობრივი სარგოები არ უნდა აღემატებოდეს ამ კანონის №1 დანართის №1 ცხრილის მიხედვით საჯარო დაწესებულების მეორადი სტრუქტურული ერთეულის ხელმძღვანელის თანამდებობისთვის დადგენილი მე-10 სახელფასო კატეგორიის კოეფიციენტის შესაბამისად გამოანგარიშებულ თანამდებობრივ სარგოს“, - ნათქვამია ბრძანებაში, რომელიც მოიცავს ასევე აფხაზეთისა და აჭარის ა/რ საგანმანათლებლო რესურსცენტრების ხელმძღვანელთა სახელფასო პოლიტიკის საკითხს.
