მასწავლებელთა პროფესიული განვითარების ეროვნული ცენტრის ინფორმაციით, ბრიტანეთის საბჭოს ორგანიზებით ინგლსური ენის მასწავლებლებისთვის ცხადდება რეგისტრაცია ონლაინ საზოგადოების ტრენინგ პროგრამაზე.
აღსანიშნავია, რომ პროგრამა სამი მოდულისგან შემდგება და 22 საათს მოიცავს. ტრენინგ-კურსის მონაწილეებს მოეთხოვებათ თვით-შესწავლის მოდულების შესრულება, ლაივ-სესიებში, ფორუმებში და ვებინარებში აქტიური მონაწილეობა და რეფლექსიური ჟურნალების მომზადება.
ტრენინგის მონაწილეებს ასევე ეძლევათ საშუალება გაეცნონ კოლეგების გამოცდილებას და დაამყარონ პროფესიული კავშირები.
ტრენინგ პროგრამა მოიცავს 7 კვირას 2024 წ. 5 თებერვლიდან - 22 მარტამდე პერიოდში. განრიგი
პროგრამის კომპონენტებია:
- 3 თვით-შესწავლის მოდული (9 საათი)
- 3 ვებინარი მოდერატორთან
- 3 ლაივ სესია ფასილიტატორთან კოლეგების მონაწილეობით
- 3 ფორუმ დისკუსია
- 4 რეფლექსიური ჟურნალის მომზადება და ატვირთვა ელექტრონული პორტფოლიოსთვის
2024 წ. გაზაფხულის კურსის თემებია:
- როგორ სწავლობენ პატარები?
- თამაშები გამოყენება პატარებთან ინგლისურის სწავლების პროცესში
- სიმღერების, ლექსების და ჰანგების გამოყენება პატარებთან ინგლისურის სწავლების პროცესში
შერჩევის კრიტერიუმები
- საქართველოს განათლების სისტემაში მომუშავე პედაგოგის საქართველოს მოქალაქეობა
- საბაზისო IT უნარები ონლაინ პლატფორმაზე დასარეგისტრირებლად, საკუთარ ანგარიშზე წვდომისთვის და აქტივობებში ჩართვისთვის.
- ინგლისურის ცოდნის მინიმალური დონე-B1Minimum English level: B1.
მასწავლებელთა ონლაინ პროგრამის ტრენინგზე რეგისტრაციის ბოლო ვადაა 21 იანვარი, დასარეგისტრირებლად კი შეავსეთ ონლაინ ფორმა: https://forms.office.com/e/vFTSUq6Hzd
