''ტატოს მერანი'' - ასპინძის სკოლაში შეჯიბრის, ''რა? სად? როდის?'', გამარჯვებული გამოვლინდა
ასპინძის სკოლაში წლებია ტარდება ინტელექტუალური თამაში „რა? სად? როდის?“.
როგორც სკოლის წარმომადგენლები აღნიშნავენ, ეს ინტელექტუალური თამაში თითოეული ბავშვის საყვარელი შეჯიბრებაა.
მოსწავლეები საგულდაგულოდ ემზადებიან: კითხულობენ კლასგარეშე ლიტერატურას, უსვამენ ერთმანეთს საინტერესო შეკითხვებს, ამოწმებენ თავიანთ თავსაც და მეგობრებსაც.
19 ნოემბერს ჩატარდა შემოდგომის სეზონის გათამაშება. ერთმანეთს დაუპირისპირდა 9 გუნდი. თამაშს აფასებდა ობიექტური და მიუკერძოებელი ჟიური.
თავჯდმომარე იყო სკოლის დირექტორი კლარა ზედგინიძე.
15 კითხვის შემდეგ გამოვლინდა გამარჯვებულიც. I ადგილი დაიკავა XII-ა კლასის გუნდმა „ტატოს მერანი“ (გუნდის კაპიტანი გიორგი ბერიძე).
გუნდები გულწრფელად ულოცავდნენ ერთმანეთს გამარჯვებას და მომავალი თამაშისთვის სახავდნენ მიზნებს.