მეხსიერება არის უნარი, რომ ინფორმაცია შევინახოთ და აღვიდგინოთ. ადამიანის ნერვული სისტემა რეცეპტორების მეშვეობით იღებს ინფორმაციას და თავის ტვინის სხვადასხვა განყოფილების ნეირონების მეშვეობით ინახავს, საჭიროების შემთხვევაში კი პოულობს და მოთხოვნილებისამებრ იყენებს. თუმცა იმისთვის, რომ ჩვენს მეხსიერებაში ინფორმაცია დაილექოს და საჭირო დროს საჭირო ცნობების აღდგენა შევძლოთ, ვარჯიში ძალიან მნიშვნელოვანია.
მოსწავლეებისთვის განსაკუთრებით საჭიროა მეხსიერების ვარჯიში, რადგან მათ ყოველდღიურად უწევთ ახალი ინფორმაციის მიღება და გაანალიზება, რაც მეხსიერების გარეშე პრაქტიკულად წარმოუდგენელია.
როგორი უნდა იყოს მეხსიერებაზე ორიენტირებული საკლასო თამაშები? - პედაგოგებს რამდენიმე რჩევას გაგიზიარებთ.
შესაძლოა, ეს იყოს სიტყვებზე დაფუძნებული მეხსიერების თამაშები
შეგიძლიათ მოსწავლეებს უცხო ტერმინების დამახსოვრებაში შემდეგნაირი თამაშით დაეხმაროთ, შექმენით ტერმინებისა და განმარტებები ბარათები. მოსწავლეებს გააცანით ისინი, თამაშის დროს კი, მთავარი ამოცანა ტერმინის სწორ განმარტებასთან შესაბამისობა იქნება.
ვიზუალური მეხსიერების თამაშები
არსებობენ ადამიანები, რომლებიც ყველაზე კარგად ვიზუალით, ნახატებით, შრიფტითა თუ სხვა თვალსაჩინოებით იმახსოვრებენ ინფორმაციას. ამის გასაუმჯობესებლად კი, შეგიძლიათ მოსწავლეებს სხვადსხვა
თამაშები შესთავაზოთ, ახალი მასალის მიხედვით და იგივე პრინციპი გამოიყენოთ, რაც ზევით განვიხილეთ, თუ აქამდე მოსწავლეებს ტერმინები უნდა შეესაბამებინათ განმარტებისთვის, ახლა ილუსტრაციებით ჩაუნაცვლეთ.
რუბიკის კუბის ამოხსნა
„ქალაქობანა“ ყველასთვის საყვარელი თამაშია, როგორც წერის ასევე ზეპირად თამაშის შემთხვევაში, გონება ცდილობს აღიდგინოს ინფორმაცია და იაზროვნოს სხარტად. მსგავსი თამაშები ყველასთვის სახალისოა და ამავდროულად ღირებული გონებისა და მეხსიერების გავარჯიშებისთვის.
ეს ზეპირი თამაშია. ერთმა მოსწავლემ უნდა თქვას არსებითი სახელი, მეორე მოსწავლემ უკვე გაჟღერებული სიტყვა უნდა გაიმეორებს და დაამატოს თავისი სიტყვა, ასე გრძელდება, მანამ სანამ ყველა მოსწავლე არ გაიმეორებს და დაამატებს ახალს, თამაში ბრუნავს წრეზე და ის მოთამაშეები ეთიშებიან, რომლებსაც ან სიტყვების თანმიმდევრობა აერევათ, ან სიტყვა გამორჩებათ.
