წევის საჯარო სკოლის მე-8 კლასის მოსწავლე ვახტანგ გელაშვილი წიგნის კითხვის გამოწვევაში მონაწილეობისთვის ოქროს სერტიფიკატით დაჯილდოვდა
16-01-2024
ზესტაფონის მუნიციპალიტეტის სოფელ წევის საჯარო სკოლაში მოსწავლეთა წიგნიერების დონის ამაღლება ერთ-ერთი პრიორიტეტული საკითხია. შესაბამისად პედაგოგები ამ მიმართულებით აქტიურად მუშაობენ - წიგნის კითხვის პოპულარიზაციას ეწევიან და ცდილობენ მოწაფეებს მხატვრული ლიტერატურა დაწყებითი კლასებიდანვე შეაყვარონ, რაც, რა თქმა უნდა, მოსწავლეთა მიღწევებზე აისახება.
მათ შორის, ზესტაფონის მუნიციპალიტეტის სოფელ წევის საჯარო სკოლის მე-8 კლასის მოსწავლემ - ვახტანგ გელაშვილმა მონაწილეობა მიიღო აშშ-ს საელჩოს წიგნის კითხვის გამოწვევაში და ოქროს სერტიფიკატით დაჯილდოვდა.
სკოლაში ვახტანგის წარმატება ახარებთ და მას წინსვლას უსურვებენ.
„წევის სკოლა ულოცავს ვახოს დამსახურებულ ჯილდოს და უსურვებს შემდგომ წარმატებებს“,- ვკითხულობთ სკოლის გავრცელებულ წერილში.
იხილეთ ფოტო:
სკოლების სიახლეები
