გაზაფხულის სემესტრის მობილობის ვადები გამოქვეყნდა
17-01-2024
მობილობის მსურველ პირთა ელექტრონულ პორტალზე რეგისტრაციის ვადა განისაზღვრა - განათლების მართვის საინფორმაციო სისტემი მიერ გამოქვეყნებული ინფორმაციით მობილობა 30 იანვრიდან 2024 წლის 8 თებერვლის 18:00 სთ-მდე გაგრძელდება.
მობილობის ელექტრონულ პორტალზე რეგისტრაციისთვის გადადით ბმულზე : https://students.emis.ge/
ყურადღება: ის სტუდენტები, რომლებიც უმაღლეს საგანმანათლებლო დაწესებულებებში ჩაირიცხნენ 2020 და შემდგომი წლების ერთიანი ეროვნული გამოცდების საფუძველზე და სურთ მობილობით სარგებლობა, უნდა აკმაყოფილებდნენ მიმღები პროგრამის დაშვების წინაპირობებს და ერთიან ეროვნულ გამოცდებზე ჩაბარებული უნდა ჰქონდეთ შესაბამისი სავალდებული საგანი/საგნები (გადალახული უნდა ჰქონდეს მინიმალური კომპეტენციის ზღვარი).
სახელოვნებო-შემოქმედებით და სასპორტო საგანმანათლებლო პროგრამაზე მობილობის მსურველი, ელექტრონულ პორტალზე რეგისტრაციის ვადის დასრულებამდე, გადის კონკურსს დაწესებულების მიერ დადგენილი წესით.
მობილობის შედეგების ნახვა შესაძლებელი იქნება 12 თებერვალს.
სკოლების სიახლეები
