2024 წელს მსოფლიო გზავნილია „სწავლა გრძელვადიანი მშვიდობისთვის“.

იუნესკოს მიერ გავრცელებული განცხადებით, განათლებასა და მასწავლებლებს გადამწყვეტი როლი აქვთ სიძულივილის ენის წინააღმდეგ ბრძოლაში.

„მსოფლიო ხედავს ძალადობრივი კონფლიქტების მოზღვავებას, რასაც პარალელურად დისკრიმინაციის, რასიზმის, ქსენოფობიისა და სიძულვილის ენის საგანგაშო ზრდა აქვს. ამ ძალადობის გავლენა სცილდება ნებისმიერ ზღვარს, რომელიც დაფუძნებულია გეოგრაფიაზე, სქესზე, რასაზე, რელიგიაზე, პოლიტიკაზე, ოფლაინზე და ონლაინზე.

მშვიდობისადმი აქტიური ერთგულება დღეს უფრო აქტუალურია, ვიდრე ოდესმე: განათლება ამ მცდელობაში ცენტრალურია, როგორც ეს ხაზგასმულია იუნესკოს რეკომენდაციაში განათლების მშვიდობის, ადამიანის უფლებებისა და მდგრადი განვითარების შესახებ. მშვიდობისთვის სწავლა უნდა იყოს გარდამტეხი და დაეხმაროს მოსწავლეებს საჭირო ცოდნის, ღირებულებების, დამოკიდებულებებისა და უნარებისა და ქცევების გაძლიერებაში, რათა ისინი გახდნენ მშვიდობის აგენტები, თავიანთ თემებში“,- აღნიშნულია განცხადებაში.