სკოლების აბსოლუტურ უმრავლესობას აქვს კომპიუტერები, თუმცა მათ ნაწილში კომპიუტერების არასებობა ფორმალურია, ვინაიდან არსებული ინტერნეტით მათი გამოყენება დიდ სირთულეებს უკავშირდება - აღნიშნულია კვლევაში.

სკოლების აბსოლუტურ უმრავლესობას აქვს კომპიუტერები, პრინტერი და ინტერნეტი. სკოლების 87% მიუთითებს, რომ აქვთ კომპიუტერები და პრინტერები;

სკოლების 90%-მდე მიუთითებს, რომ აქვთ ინტერნეტი, თუმცა გადამოწმებისას, პირადი კომუნიკაციისას სკოლების ნაწილი აღნიშნავს, რომ არსებული ინტერნეტი, დაბალი ხარისხის გამო, მხოლოდ ფორმალურად არის სკოლებში და რთულად გამოიყენება რეალურად სწავლებისა და მართვის პროცესში;

მიუხედავად იმისა, რომ სკოლებისა და მუნიციპალიტეტების აბსოლუტური უმრავლესობა მიუთითებს კომპიუტერების, პრინტერების და ინტერნეტის არსებობაზე სკოლების აბსოლუტურ უმრავლესობაში, არის მუნიციპალიტეტები/რესურსცენტრები, რომლებიც მიუთითებენ ზოგიერთ სკოლაში ამ თვალსაზრისით არსებულ პრობლემებზე. კომპიუტერის, პრინტერისა და ინტერნეტის ხელმისაწვდომობის პრობლემები იკვეთება ლანჩხუთის, ჩხოროწყუს, დმანისის, სიღნაღის, ჭიათურის, ხელვაჩაურის მუნიციპალიტეტების ზოგიერთ სკოლებში.