კასპის მუნიციპალიტეტის სოფელ იგოეთის საჯარო სკოლა და არასამთავრობო ორგანიზაცია „საზოგადოება ბილიკი“ რამდენიმე წელია თანამშრომლობენ. სკოლა აქტიურად მონაწილეობს მათ მიერ დაგეგმილ სხვადასხვა ღონისძიებაში.
გასული წლის ნოემბრის თვეში „საზოგადოება ბილიკის“ დაანონსებულ ინიციატივებში გაიმარჯვა იგოეთის სკოლის მოსწავლეთა პროექტმა, რომელიც ეხებოდა ინკლუზიური განათლების ხელშეწყობას.
პროექტის ფარგლებში „საზოგადოება ბილიკმა“ სკოლას შეუძინა სხვადასხვა საგანმანათლებლო შემეცნებითი რესურსი, რომელსაც აქტიურად იყენებენ სწავლების პროცესში.
მიმდინარე წლის 28 იანვარს კი „საზოგადოება ბილიკმა“ სკოლას უსახსოვრა საკანცელარიო ნივთები.
„საჩუქარმა ძალიან გაგვახარა. იგოეთის საჯარო სკოლის სახელით დიდ მადლობას მოვახსენებთ „საზოგადოება ბილიკს“ და იმედია კვლავაც გაგრძელდება ჩვენი თანამშრომლობა“,- აღნიშნავენ სკოლაში.
იხილეთ ფოტოები:
