„ძალადობით გამოწვეული ტრავმა და ფსიქოლოგიური შედეგები“ - ტოლოშის საჯარო სკოლაში საინტერესო ტრენინგი ჩატარდა
21-02-2024
ასპინძის მუნიციპალიტეტის სოფელ ტოლოშის საჯარო სკოლაში სხვადასხვა საკითხზე მოსწავლეთა ცნობიერების ამაღლებას მნიშვნელოვანი ყურადღება ექცევა. ამ მიმართულებით კი არაერთი ღონისძიება იმართება.
ახლახან სკოლაში, ქართული ენა/ლიტერატურისა და სამოქალაქო განათლების ინტეგრირებული პროექტის ფარგლებში ჩატარდა ტრენინგი თემაზე - „ძალადობით გამოწვეული ტრავმა და ფსიქოლოგიური შედეგები“.
ტრენინგის მსვლელობისას მოსწავლეებმა მიიღეს ინფორმაცია შემდეგ საკითხებზე:
რა არის ოჯახში ძალადობა;
რატომ უჭირს მსხვერპლს ძალადობის შესახებ საუბარი;
ძალაუფლება და კონტროლის ბორბალი;
ძალადობა - გახანგრძლივებული სტრესი;
სტოკჰოლმის სინდრომი;
მწვავე სტრესული რეაქცია;
აშლილობები, რომლებიც დაკავშირებულია ფსიქოლოგიურ ტრავმასთან.
მოსწავლეებისთვის ტრენინგი მეტად საინტერესო და ინფორმაციული აღმოჩნდა. მოწაფეებმა გაიაზრეს ჩაგვრის დამღუპველი შედეგები და მათი როლი ძალადობის პრევენციაში.
იხილეთ ფოტო:
მოსწავლეებისთვის ტრენინგი მეტად საინტერესო და ინფორმაციული აღმოჩნდა. მოწაფეებმა გაიაზრეს ჩაგვრის დამღუპველი შედეგები და მათი როლი ძალადობის პრევენციაში.
იხილეთ ფოტო:
სკოლების სიახლეები
