ნინოწმინდის მუნიციპალიტეტის სოფელ ეშტიის N1 საჯარო სკოლაში მოსწავლეთა მრავალმხრივ განვითარებას მნიშვნელოვანი ყურადღება ექცევა. სწორედ ამიტომ, მოსწავლეები პედაგოგთა ხელმძღვანელობით, სხვადასხვა პროექტსა და აქტივობაში დიდი ენთუზიაზმით ერთვებიან.
სკოლაში, პროექტის - „ტექნოლოგიების განვითარება სკოლაში“ ფარგლებში, სამოქმედო გეგმის შესაბამისად, პედაგოგ რიპსიმე აროიანის ხელმძღვანელობით, საინტერესო აქტივობები ხორციელდება.
აღნიშნული პროექტის ფარგლებში, სკოლაში, მორიგი აქტივობა ჩატარდა. ამჯერად, ბავშვებმა bookcreator-ის პროგრამის მეშვეობით წიგნები შექმნეს.
სამუშაო პროცესი, როგორც გვიყვებიან, ძალიან საინტერესო და სახალისო იყო.
„ბავშვებმა დიდი სიამოვნებით და მონდომებით შეასრულეს და ააწყვეს ონლაინ წიგნები: „გოგონა და სამი დათვი“, „წუნა და წრუწუნა“, „გლეხი, დათვი და მელია“, - აღნიშნავენ სკოლაში.
მსგავსი აქტივობები მოსწავლეთა შემოქმედებითი უნარების წარმოჩენა-განვითარებას ხელს უწყობს, რაზეც სასკოლო საზოგადოება აქტიურად ზრუნავს.
იხილეთ მოსწავლეთა ნამუშევრები ქვემოთ მოცემულ ბმულზე:
