„თათქარიძისეული და თანამედროვე სახლი“ - დილისკის N1 საჯარო სკოლის მე-10 კლასის მოსწავლეებმა კომპლექსური დავალება წარმატებით შეასრულეს
04-03-2024
ახალქალაქის მუნიციპალიტეტის სოფელ დილისკის N1 საჯარო სკოლაში ნიჭიერი, შემოქმედებითი და აქტიური მოსწავლეები სწავლობენ, რომლებიც სასწავლო წლის განმავლობაში, არაერთ კომპლექსურ დავალებას ასრულებენ.
ამჯერად, მე-10ა და მე-10ბ კლასების მოსწავლეებმა კომპლექსურ დავალებაზე - „თათქარიძისეული და თანამედროვე სახლი“ იმუშავეს. ისინი აქტივობაში, პედაგოგების - არევიკ გაბრიელიანისა და მილენა მკოიანის ხელმძღვანელობით, უდიდესი მონდომებით, ინტერესითა და ხალისით ჩაერთნენ.
მათ დავალებაზე გულმოდგინედ იმუშავეს, შედეგად კი არაჩვეულებრივი ნამუშევრები დაამზადეს, რამაც სასკოლო საზოგადოების დიდი მოწონება დაიმსახურა.