„ნიუტონის საღამო“ - ალისუბნის თემის N2 საჯარო სკოლის მე-9 კლასის მოსწავლეთა საინტერესო პროექტი
მალხაზ ბუცხრიკიძის სახელობის თერჯოლის მუნიციპალიტეტის ალისუბნის თემის N2 საჯარო სკოლაში, სასწავლო წლის განმავლობაში, საინტერესო აქტივობა ეწყობა.
ამჯერად, მე-9 კლასის მოსწავლეებმა, პედაგოგ ნინო გვენეტაძის ხელმძღვანელობით, შემეცნებითი პროექტი - „ნიუტონის საღამო“ განახორციელეს. მოსწავლეებმა ისააკ ნიუტონის ცხოვრების, მოღვაწეობისა და მნიშვნელოვანი აღმოჩენების შესახებ ისაუბრეს.
მათ შესაძლებლობები გამოავლინეს, ინფორმაცია ერთმანეთს გაუზიარეს და ცოდნა კიდევ უფრო გაიღრმავეს. პრეზენტაციას მე-7, მე -8 და მე-11 კლასის მოსწავლეები და პედაგოგები ესწრებოდნენ.
„საინტერესო და დასამახსოვრებელი აღმოჩნდა ეს შეხვედრა ბავშვებისათვის“,- ამბობენ სკოლაში.
იხილეთ ფოტოები: